- Tíðindi, mentan og ítróttur
Vinnunevndin ætlar sær til Kina fyri 140.000 kr.
<div>Gongst sum ætlað, fer øll vinnunevndin hjá løgtinginum til Kina á vitjan í august mánaði. Ferðin verður mett at kosta tilsamans 140.000 krónur.</div><div><br></div><div>Formaðurin í nevndini avsannar, at hetta er ein hugnavitjan.</div><div><br></div><div>- Hetta verður ein arbeiðsvika, har hvør tími verður brúktur, sigur Alfred Olsen.</div><div><br></div><div><b>Vinnulív og orkukeldur</b></div><div><br></div><div>Endamálið við ferðini er at kanna vinnulívið og alternativar orkukeldur í Kina. Sjey limir eru í vinnunevndini. Teir verða allir við í ferðini umframt skrivarin, sum er embætisfólk í løgtinginum .</div><div><br></div><div>Ein bíligari háttur var, at formaðurin í vinnunevndini fór einsamallur til Kina at kanna vinnulívið, og at hann síðani greiddi løgtinginum frá ferðini. Men hetta er einki gott gott hugskot, heldur Alfred Olsen.</div><div><br></div><div><br></div><div><b>Meiri verður at frætta í útvarpstíðindunum.</b></div><div><br></div>
