- Tíðindi, mentan og ítróttur
128 fólk hava tørv á røktarheimi alt fyri eitt
<div>128 fólk, sum hava fyri neyðini at sleppa á røktarheim alt fyri eitt, eru á bíðilista.</div><div><br></div><div>Tað fekk Trivnaðarnevndin at vita frá landsstýriskvinnuni í almannamálum í gjár.</div><div><br></div><div>Treytin fyri at sleppa á røktarheim er, at fólk hava brúk fyri varandi røkt, at onkur er um tey alla tíðina. 128 fólk, sum hava brúk fyri fullari hjálp, bíða eftir plássi á røktarheimi. </div><div><br></div><div><b>Eingin bíðar í Vágum og Norðstreymi</b></div><div><br></div><div>Bara í Vágum og Norðstreymi stendur eitt null í teiginum "akutt." Har bíðar eingin eftir plássi, sambært svarinum hjá Anniku Olsen. Á bíðilistanum til røktarheimini eru skrásettar 582 umsóknir. Umframt tær 128 akuttu eru 93 undir yvirskriftini tung, 172 eru løtt og 189 umsóknir eru ikki aktuellar. </div><div><br></div><div>Fólk, sum eru skrásett sum tung, eru fólk, sum hava stóran tørv á heimahjálp ella eru minnisveik, men kunnu enn klára seg í egnum heimi. Fólk, sum eru skrásett at vera løtt, eru tey, sum ikki hava brúk fyri plássi á røktarheimi í løtuni. </div><div><br></div>