Áhugi at keypa Mest

Eik Banki roynir at selja íløgufelagið Notio, sum eigur Mest-samtakið

Eik Banki roynir at selja Mest. Áhugi er fyri samtakinum, men enn er eingin sáttmáli gjørdur

14.06.2013 - 14:09

<div>Áhugi er, men enn er eingin sáttmáli gjørdur um at selja samtakið Mest. Eik Banki hevur avgjørt at sleppa sær av við íløgufelagið Notio, tí tað er ikki vanligt bankavirksemi at eiga vinnufyritøkur:</div><div><br></div><div>Notio, sum er dótturfelag hjá Eik Banka, eigur fyrst og fremst Mest í Havn, Runavík og á Skála og Pam Offshore, sum útvegar skipa- og oljuvinnuni fólk.</div><div><br></div><div>Notio eigur harafturat partabrøv í øðrum fyritøkum.</div><div><br></div><div><b>Føroyskur keypari ikki avgerandi</b></div><div><br></div><div>Súni Swartz Jacobsen, forstjóri í Eik Banka, sigur, at tað er ikki avgerandi fyri Eik, um keyparin er føroyskur.  </div><div><br></div><div>Eginpeningurin, innara virðið, hjá Mest samtakinum er 80 mió. kr., og Eik ætlar sær ikki minni enn tað fyri skipasmiðjusamtakið.  Súni Schwartz Jacobsen sigur, at Eik Banki ætlar sær eisini at sleppa sær av við helvtina av partafelagnum Fastogn, sum bankin eigur. </div><div><br></div><div>Men í fyrsta umfari er ætlanin at selja tað, sum er í Notio. Bankin hugsar ikki um at selja sjálvt íløgufelagið í einum. Men samtakið Mest skal seljast sum tað er.       </div>