Faroe Pride aftur í ár

Tiltakið, sum LGBT skipar fyri, hevur fingið so stóra undirtøku, at avgjørt er at flyta tað úr Tórsgøtu á Kongabrúnna

Fleiri enn 5.000 fólk vóru við í skrúðgonguni, sum LGBT Føroyar skipaði fyri í fjør. Tiltakið verður aftur í ár, beint fyri ólavsøku.

Óluva Zachariasen

Johnsigurd Johannesen

17.06.2013 - 10:09

<div>Teitur, Grandma´s Basement, Jens Marni, Sakaris og Marius Ziska verða millum tónleikanøvnini, tá tiltakið Faroe Pride verður í Havn beint fyri ólavsøku.</div><div><br></div><div>LGBT, felagið hjá samkyndum, tvíkyndum og transpersónum, fer aftur í ár at skipa fyri Faroe Pride-skrúðgonguni. Endamálið er at heiðra ymiskleikan hjá føroyingum, og at seta ynski fram um javnætt fyri allar borgarar í Føroyum, siga fyrireikararnir.</div><div><br></div><div><b>Fjórða ferðin </b></div><div><br></div><div>Hetta er fjórðu ferð, at Faroe Pride er á skránni í Føroyum. Í fjør fekk skrúðgongan sera stóra undirtøku, har fleiri enn 5.000 fólk vóru við. Og tað er júst stóra undirtøkan, sum ger, at LGBT, hevur gjørt av at flyta tiltakið úr Tórsgøtu yvir á Kongabrúnna. </div><div><br></div><div><b>Helena setur Faroe Pride</b></div><div><br></div><div>Faroe Pride verður tann 27. juli. Byrjað verður við Gundadalshøllina klokkan 16, og síðani fer skrúðgongan oman gjøgnum miðbýin  á Kongabrúnna. Tað verður Helena Dam á Neystabø, forkvinna í mentanarnevndini hjá Tórshavnar Býráð, sum setur Faroe Pride í ár.</div>