- Tíðindi, mentan og ítróttur
Marine Harvest: Bakkafrost leyp á
<div>Tað var eitt óvinaligt álop á norska alifelagið Marine Harvest, at Bakkafrost keypti 27 prosent av partafelagnum Marine Harvest Faroes frá íløgufelagnum Notio Framtaksfelag hjá Eik Banka.</div><div><br></div><div>Tí brúkti norska móðurfelagið forkeypsrættin. </div><div><br></div><div>Marine Harvest kallar keypið hjá Bakkafrosti eitt óvinaligt álop, tí við keypinum fær Bakkafrost, sum kappingarneyti, innlit í øll viðurskifti hjá P/f Marine Harvest. Bakkafrost hevði, sambært partaeigarasáttmálanum, fingið fólk i nevndina hjá Marine Harvest. Og so hevði kappingin í alingini í Føroyum blivið avmarkað.</div><div><br></div><div>Tað skrivar advokaturin hjá P/f Marine Harvest til Vinnumálaráðið.</div><div><br></div><div><b>Vinnumálaráðið eigur avgerðina</b></div><div><br></div><div>Vinnumálaráðið skal taka støðu til, um eitt útlendskt alifelag kann eiga eitt alifelag í Føroyum alt sum tað er, 100 prosent, eftir at alilógin varð broytt í fjør fyri at avmarka útlendskan eigaraskap í føroysku alivinnuni. </div><div><br></div><div>Marine Harvest átti 73 prosent í Marine Harvest Faroes, áðrenn alilógin varð broytt, og setti 20 prosent sum hámark fyri útlendskum eigaraskapi í føroysku alivinnuni. Norska felagið kann tí varðveita hesi 73 prosentini. </div><div><br></div><div>Men um tað eisini kann fáa tey 27 prosentini afturat, skal Vinnumálaráðið avgera. Hetta er fyrsta málið av hesum slagnum, síðani lógin varð broytt, so avgerðin verður fordømi fyri onnur slík mál.</div><div><br></div><div><b>Tríggir møguleikar</b></div><div><br></div><div>Vinnumálaráðið hevur tríggjar møguleikar. Vinnumálaráðið kann avgera, at tað er ikki brot á alilógina, at Marine Harvest í Norra brúkar forkeypsrættin og eigur føroyska felagið 100 prosent, ella kann norska felagið fáa undantaksloyvi, tað ber til sambært alilógini, ella kann Vinnumálaráðið geva Marine Harvest boð um at selja aftur tey 27 prosentini, sum felagið keypti. </div><div><br></div><div>Og verður tað úrslitið, sleppur Bakkafrost ikki at keypa partabrøvini, tí tey verða seld íleggjara, sum Marine Harvest vil arbeiða saman við, sæst í skjølunum í málinum.</div><div><br></div><div>Og í tí hópinum er Bakkafrost neyvan, tá tað verður mett at vera eitt óvinaligt álop, tá Bakkafrost keypti frá Notio. </div><div><br></div><div>Málið byrjar í Vinnumálaráðnum tann 2.mai, tá advokaturin hjá Bakkafrosti boðar frá, at Bakkafrost tann 26.mars keypti 27 prosent av Marine Harvest í Føroyum.</div><div><br></div><div>Advokaturin hevði tá frætt, at norska móðurfelagið hevði gjørt forkeypsrættin galdandi. Góðtekur Vinnumálaráðið tað, kunnu útlendingar so eisini økja sín part í Bakkafrosti, spyr advokaturin.</div><div><br></div><div> </div><div><br></div><div><br></div>
