- Tíðindi, mentan og ítróttur
Laksaprísurin er methøgur
<div>Laksaalarar kunnu gleða seg til eitt gott ár í ár, tí laksaprísurin er methøgur. </div><div><br></div><div>Tað sigur FAO, matvøru- og landbúnaðarstovnurin hjá ST, í nýggjastu ársfrágreiðing sínari.</div><div><br></div><div>Intrafish hevur gjørt ein samandrátt burtur úr tí, sum har stendur um fisk. Heimsins fiskaprísir settu met í mai, sigur FAO. Og tað er alifiskur, fyrst og fremst laksur, sum fólk vilja hava. Eftirspurningurin er størri enn útboðið, tí er prísurin so høgur.</div><div><br></div><div><b>Prísurin hækkaður 5,6 prosent</b></div><div><br></div><div>Fiskaprísirnir vóru 6,3 prosent hægri í mai enn í apríl, og teir vóru 16 prosent hægri í mai enn í mai í fjør. Og tað er alifiskurin, sum hálar prísin upp, sigur FAO, sum serliga nevnir alilaks.Í 2013 hækkar prísurin á alifiski 5,6 prosent, men prísurin á veiddum fiski er bara 0,9 prosent, er metingin hjá FAO. </div><div><br></div><div>Orsøkin til stóra eftirspurningin eftir laksi er, at fólk hava broytt matvanar, og tað eru góð tíðindi hjá laksaalarum. Vísitalið fyri laksaprísin fór úr 186 í apríl upp í 195 í mai. Tað var 156 í mai í fjør.</div><div><br></div><div>Sambært samandráttinum hjá Intrafish fara fólk at eta 19,7 kilo av fiski í miðal í ár, hálvt kilo meira enn í fjør. </div><div><br></div>
