Fyrsta avlopið hjá peningastovnum í fýra ár

Fyri fyrstu ferð í fýra ár høvdu peningastovnarnir í Føroyum vinning í fjør, tá úrslitini hjá øllum fýra eru løgd saman.

 

Avlopið hjá bankunum og sparikassunum var samanlagt 160 milliónir kr. í fjør. Og tað er fyrstu ferð síðani 2008, at avlop er.  Peningastovnarnir eru annars ikki nøgdir við úrslitið í 2012, tá ræður um renting av eginognini.  

 

 

Og peningastovnarnir eru harmir um, at løgtingið hækkaði lønarhæddaravgjaldið úr tíggju prosentum upp í 12 prosent. Hetta gjørdi kappingarfortreytirnar enn verri, siga peningastovnarnir, sum vænta at skulu rinda 40 mió. kr. í lønhæddaravgjaldi í ár.

 

Innlánini hjá peningastovnunum vuksu bara 100.000 kr. í fjør, útlánini minkaðu 700.000 kr.  Mett verður, at útlánini fara at vaksa nakað í ár.