Selja meiri sild til onnur lond enn ES

Onnur lond enn ES keyptu sild úr Føroyum fyri 190 millónir kr. í fjør, men prísurin er betri í ES-londum

Nøgdirnar, sum verða seldar øðrum londum enn ES, eru størri enn tær, sum verða seldar ES-londum. Men prísurin fyri sildina er betri í ES enn aðrastaðni.

Høgni Djurhuus

Johnsigurd Johannesen

01.07.2013 - 11:04

<div>Føroyar seldu londum, sum ikki eru í ES, sild fyri næstan 55 mió. kr. meira enn Føroyar seldu ES sild fyri í fjør.</div><div><br></div><div>Knappliga 30.000 tons vórðu seld londum uttan fyri ES fyri slakar 190 mió. kr.  ES keypti 16.000 tons fyri 135 mió. kr. vísa tøl, sum Útvarpið hevur fingið frá Hagstovuni.</div><div><br></div><div>Sambært hesum fæst betri prísur fyri sildina í ES.       </div><div><br></div><div>Føroyar seldu ES og londunum, sum ikki eru í ES, á leið líka nógvan makrel í fjør.  Til ES fóru góð 47.000 tons fyri 434 mió. kr. Onnur lond keyptu somu nøgd fyri góðar 40 milliónir krónur minni.</div><div><br></div><div>Ger ES álvara av at seta í gildi handilsforðingar móti føroyskum útflutningi, skulu nýggir marknaðir finnast fyri rættiliga nógv túsund tons av uppsjóvarfiski aðrastaðni.   </div>