Bóndi í Sumba fingið festið í Fámará

Toymið, sum viðgjørdi tær 10 umsóknirnar, Búnaðarstovan fekk, innstillaði einmælt Jens Hera Jacobsen til festið.

Jens Heri Jacobsen hevur verið uppsitari í Famará seinastu 13 árini. Hann hevur umsitið festið fyri Búnaðarstovuna.

Í toyminum, sum viðgjørdi umsóknirnar, vóru landbúnaðarráðgevin, Rolvur Djurhuus, og umsitingarleiðari á Búnaðarstovuni Andrass Holm Arge, - teir eru føddir limir - og teir báðir valdu so Hans Martin Andreasen, røktara á Búnaðarstovuni, afturat í toymið.

Heildarmeting
Heildarmetingin hjá toyminum er, at Jens Heri Jacobsen hevur drúgvastu og mest viðkomandi royndirnar at fáa festið.

Jóhan Dalsgaard, sum býr í Famará, hevur fingið freist frá Búnaðarstovuni til mánadagin, 15.juli, at flyta haðani, so eingi fólk ella djór eru eftir í Famará.

Jóhan Dalsgaard hevur longu boðað frá, at hann fer at kæra avgerðina hjá Búnaðarstovuni til Fiskimálaráðið.