Fámará fingið 4000 undirskriftir

Fámará-stuðlar siga í tíðindaskrivi, at tær got tog væl 4000 undirskriftirnar til fræma fyri eini framtíðar hugsjón um Fámara, verða handaðar Jacobi Vestergaard, landsstýrismanni, í morgin.

Saman við undirskriftunum fer Rúni Jacobsen at handa landsstýrismanninum ein faldara við framtíðar hugsjónini um Fámara, nevnd "Meira enn bara Fámara".

"Meira enn bara Fámara” er ein ætlan, sum skal gera Fámara til ein fíggjarligan og umhvørvisliga burðardyggan frístað, har arbeitt verður á trimum høvuðsøkjum: Landbúnað, ferðavinnu, mentan og sosial tiltøk.

Tey, ið hava undirskrivað, hava skrivað undir soljóðandi:

“Undirritaði tekur undir við, at Johan Dalsgaard festir Fámara.  Johan hevur búð í Fámara í trý ár, har hann hevur víst í verki, at hann bæði hevur førleikar, vitan og áræði at dríva festið á ein skilagóðan hátt. Eg vil við míni undirskrift stuðla honum í at menna eitt alternativt, landbúnaðar-, ferðavinnu- og sosialt tilboð, sum enn er eindømi í Føroyum.”