Makrelur undan Grønlandi avreiddur í Íslandi

Ísland og Grønland samdust um í vár, at 12.000 tons av makreli, sum íslendsk og grønlendsk skip fiska í grønlendskum sjógvi, kann landast í Íslandi.

Tey 12.000 tonsini vóru longu landað fyri tveimum vikum síðani, men nú kunnger íslendska fiskimálaráðið, at aftur er loyvt at landa grønlendskan makrel í Íslandi, tí ongar havnir eru í Eysturgrønlandi, har sum skipini kunnu sleppa av við makrelin og bunkra.

Grønlendskan makrelkvotan er 15.000 tons í ár.