Fiskidagarnir viðgjørdir í dag

Semja er tó um, at trolararnir missa fýra prosent av sínum døgum. 

Meirilutin, samgonguflokkarnir og Janus Rein, mælir harafturat til, at línuskipini og útróðrarbátarnir undir 15 tons missa sjey prosent av sínum døgum.

Minnilutin, Tjóðveldi og Javnaðarflokkurin, heldur, at línuskipini og húkabátarnir og trolbátarnir, sum eru størri enn 40 tons, missa átta prosent av sínum døgum.

Sama dagatal
Landsstýrismaðurin í fiskivinnumálum mælti til sama dagatal sum í verandi fiskiári hjá øllum.

Skerjingarnar, sum Vinnunevndin mælir til at gera, hava ongan veruligan týdning, tí nógvir óbrúktir dagar eru í øllum bólkum.

Tingfundurin í dag er klokkan 13.30. Bara fiskidagarnir eru á skránni í dag og aftur hósdagin, tá triðja viðgerð verður.