ES keypti makrel úr Føroyum fyri 434 milliónir

So stórur er vøksturin ikki í sildaútflutninginum. ES keypti sild fyri 113 mió. kr. úr Føroyum í fjør, í 2010 var talið 97 milliónir. Vøksturin er 110 prosent. Men føroyska sildakvotan hækkaði ikki fyrr enn í ár.

Hagstovan kunngjørdi í gjár tølini fyri føroyska útflutningin av sild og makreli.

Sild og makrelur fyri 93 milliónir
Umframt tað, sum ES keypir, fóru sild fyri 11 milliónir og makrelur fyri 82 milliónir umvegis ES-havnir til lond uttan fyri ES í fjør.

Samanumtikið er talan um sild og makrel fyri 640 milliónir, sum ætlaðu handilsforðingarnar móti Føroyum kunnu raka.   

Misvísandi tøl
Tá Danska matvørumálaráðið stutt fyri ólavsøku kunnaði Evropanevndina hjá fólkatinginum um komandi handilsstongsulin móti Føroyum, fekk nevndin at vita, at føroyingar vóru í vanda fyri at missa stívliga 1,1 milliard krónur.

Men tá er talan um allan útflutningin av makreli og sild, tí fiskur fyri 600 milliónir fer beinleiðis til onnur lond enn ES-lond.

Sambært Hagstovuni útfluttu Føroyar sild og makrel fyri eina milliard og 152 milliónir krónur.  

Kredittmetingarfyritøkan Moody´s segði í fráboðan týsdagin, at tíggju prosent av føroyska útflutninginum í fjør vóru makrelur og sild til ES.