Samgongufundur um tunnilsmálið

Tunnilsmálið verður nú lagt fyri samgonguna. Kaj Leo Holm Johannesen, løgmaður, hevur boðað samgongufund seinnapartin mánadagin klokkan hálvgum tvey.

Á skránni er eittans mál, og tað er tunnilsmálið.

- Nú kanna vit, um kortini skulu blandast av mýggjum, sigur løgmaður í stuttari viðmerking.

Framvegis í rættarnevndini

Øll tunnilsuppskotini eru framvegis til viðgerðar í rættarnevndini, men nær nevndin fer at skriva álit, er ógreitt.

Elsebeth M. Gunnleygsdóttir, forkvinna í rættarnevndini, hevur sagt, at boðað verður ikki til fund, fyrr enn løgmaður og Kári P. Højgaard, landsstýrismaður, eru lidnir at samskifta í málinum.

Tað segði hon, tá løgmaður fyrr í vikuni bað landsstýrismannin um eina frágreiðing í tunnilsmálinum, eftir at tað var komið undan kavi, at viðmerkingar frá embtisfólkum í Innlendismálaráðnum ikki vórðu lagdar við, tá uppskotið varð lagt fyri tingið