Danska stjórnin missir undirtøku

Hóast danski Javnaðarflokkurin hevur framgongd í seinastu veljarakanningini, so missa hinir stjórnarflokkarnir undirtøku, og tí tykist tað vera torført hjá stjórnini at taka veljarar frá andstøðuni.

Sambært seinastu veljarakanningini fær Javnaðarflokkurin sløk tvey prosenstig meir, enn fyri einum mánaði síðani, men tá hinir stjórnarflokkarnir, Radikali flokkurin og SF, missa tað sama, er støðan ikki broytt. Stuðulsflokkurin, Eindarlistin, missir eisini atkvøður, og tí er undirtøkan hjá stjórnini minni nú, enn fyri einum mánaði síðani.

44 prosent

Samanlagt høvdu stjórnarflokkarnir fingið 44 prosent av atkvøðunum, ímóti sløkum 46 prosentum fyri einum mánaði síðani.

Vinstri er framvegis størsti flokkurin í fólkatinginum, og hevði fingið sløk 31 prosent av atkvøðunum, um val var nú. Liberala Alliansa hevur eisini framgongd, men Konservativi flokkurin hevur ilt við at fóta sær, og kemur so dánt upp um tinggáttina. Danski fólkaflokkurin hevur eisini eina lítla afturgongd, men flokkurin er kortini betur umtóktur, enn á valinum fyri tveimum árum síðani.

Var val í Danmark nú, høvdu andstøðuflokkarnir fingið 98 sessir og samgonguflokkarnir 77 sessirí fólkatinginum.