Breddin

Breddin: Bústaðir og stjórnarskiftið í Noregi
15-10-2021
Bústaðir, álit á miðfyrisitingina og nýggj stjórn í Noregi

Í Breddanum í gjár kom fram, at stjórin í Bústøðum, Andras Róin, er settur til viks sum stjóri og at ósemja valdar í stýrinum. Andras Róin sleppur nú hvørki at tosa við miðlar ella at kunna um bústaðarfelagið uttan góðkenning frá Regini Hammer, stýrisformanni.

Hetta hevur stýrisformaðurin gjørt við at seta nýggja áseting í starvsskipanina fyri Bústaðir. Talan er um punkt 6.3 í starvsskipanini, har staðfest verður, at "Stýrisformaðurin myndar felagið saman við stjóra. Stjóri úttalar seg vegna felagið eftir avtalu við stýrisformannin." og "Kunning úr felagnum er eftir avtalu við stýrisformannin".

Slík áseting hevur ikki áður verið í starvsskipanini fyri Bústaðir, men varð samtykt á stýrisfundi á mikkjalsmessu, tann 29. september. 

Vit tosa við Elsebeth Mercedis Gunnleygsdóttur, landsstýriskvinnu í almannamálum, sum varðar av Bústøðum. Hon er stødd uttanlands í løtuni, men e við á telefonini.

Vantandi álit á miðfyrisitingina

Føroyingar hava lítið álit á miðfyrisitingini. Tað vísir kanning, sum Fróðskaparsetrið hevur gjørt eftir altjóða leisti.

Í mai og juni mánaði varð kannað, hvussu stórt ella lítið álit føroyingar hava á ymsu stovnunum og myndugleikunum í Føroyum. Knøpp 800 fólk vórðu spurd, og tað er greiningarfyritøkan, Lóður, sum hevur savnað dáturnar inn fyri Setrið. Fólk vórðu biðin um at viga síni svar og siga, um tey hava stórt, nokkso stórt, ikki serliga stórt ella einki álit á stovnunum og myndugleikunum á listanum, og ein svarmøguleiki var, at tey ikki vita.

Úrslitið er, at løgreglan hevur mest álit millum tey spurdu, síðani koma dómstólarnir, Fólkakirkjan, Fróðskaparsetrið, Havstovan, fakfeløg, Búskaparráðið, Kringvarp Føroya, landsins stjórn, samkomur/fríkirkjur, Løgtingið, stórar fyritøkur, bankarnir, miðfyrisitingin, privatu miðlarnir og politisku flokkarnir. Altso er miðfyrisitingin á triðjaftasta plássi, tá tað snýr seg um álit millum fólk. 43 prosent av føroyingum hava álit á miðfyrisitingi.

Samanbera vit kanningina við kanningar, sum eru gjørdar eftir sama leisti í hinum norðurlondunum, so liggur føroyska miðfyrisitingin á aftasta plássi. Álitið er størst í Noreg, síðani kemur Svøríki, so Ísland, Danmark og so Finnland - og aftast liggja so Føroyar.

Herálvur Joensen, aðalstjóri í umhvørvis- og vinnumálaráðnum, greiðir frá hví almenna fyrisitingin ikki er so sjónlig og hvussu fyrisitingin kann betra um álitið.

Nýggj stjórn í Noregi

Ein fólkaræðisligur hátíðardámur lá yvir slotsplássinum í Oslo í gjár, tá Jonas Gahr Støre, formaður í norska Arbeiðaraflokkinum og nýggjur forsætisráðharri, kundi presenteraði nýggju ráðharrarnar uttanfyri slottið.

Har ein tekur við - er tað ein annar sum sleppur. Og tað var eisini galdandi í Oslo í gjár, tí áðrenn Jonas Gahr Støre og nýggju ráðharrarnir sluppu framat, vóru Ernu Solberg, fráfarandi forsætisráðharri, og hennara ráðharrar á vitjan hjá Haraldi kongi og takkaðu fyri seg. 

Nýggja stjórnin hjá Jonas Gahr Støre er eitt samstarv millum Arbeiðaraflokkin og Senterflokkin, har Trygve Slagsvold Vedum er formaður.  Tilsamans hava Arbeiðaraflokkurin og Senterflokkurin 76 tingfólk í Stórtinginum. Tað er níggju færri enn tey 85 umboðini, sum eru neyðug fyri at fáa ein meiriluta í Stórtinginum. Talan er sostatt um eina minnilutastjórn, sum hevur tørv á stuðli frá øðrum flokkum í Stórtinginum. Mest upplagta samstarvið er við hinar flokkarnar á vinstravonginum í norskum politikki - Sosialistiski Vinstraflokkurin, Reytt og Umhvørvisflokkurin teir Grønu. 

Men sambært Martu Hjalmarsdóttir Mýru, stjórnmálafrøðingur, sum fylgir væl við í norskum politikki, hava teir longu funnist at samgonguskjalinum fyri at vera ov grátt. 

 

Gjørt sendingina hava John Johannesne, Hallur av Rana og Arnfríð Joensen Dahl, sum eisini var redaktørur.

Breddin

Sending um aktuel evni, sum verður send týsdag, mikudag, hósdag og fríggjadag klokkan 10:00.
Amerikanska forsetavalið
16-02-2024
Ein aljtóða grein um eina nýggja ístíð hevur vakt ans í her heima og í fleiri altjóða miðlum
15-02-2024
Valevnini til forfólkasessin í Føroya Pedagogfelag kjakast í útvarpsstovuni og Allan Sørensen hevur tað nýggjasta úr Ísrael
13-02-2024
Hvussu troyta vit best okkara møguleikar fyri ávirkan í Arktis?
09-02-2024
Hómast nakar endi í krígnum í Ukraina og brúka føroyskir parlamentarikarar teir møguleikar, sum teir hava at gera sína ávirkan galdandi í Arktis
08-02-2024
Løgtingið er í hesum døgum karmur um Ungdómstingið 2024, har fólkaræðið verður sett á breddan.
06-02-2024
Tað er ódámligt smikur tá løgmaður og landsstýrismaðurin í tilbúgving takkaðu fyri eftir ódnina mikudagin halda summi og stýra ríkmenn for nógv við gávum?
02-02-2024
Er valdsjavnvágin í heiminum við at broytast? Og hvussu hevur fólkaræðið í vesturheiminum tað? Tað er á Breddanum í dag.
01-02-2024
Lógin um burðadygga ferðavinnu fer at minka um inntøkugrundarlagið á smærru plássunum, heldur stjórin í Jarðum og talsmaður fyri hagapartarnar í Mykinesi
30-01-2024
Høgni Hoydal hevur í dag lagt fram uppskot um gongd í haga til hoyringar. Vit hyggja eisini uppá fíggjarpolitiskt regluverk - hvat er tað og skulu vit hava tað?
26-01-2024
Í sendingini verður ljós varpað á uppskotið frá Joe Biden, forseta, og António Guterres, ST-aðalskrivara, um eina loysn, har palestinar eisini fáa sítt egna land.
25-01-2024
Ein triðingur av matframleiðsluni í heiminum endar sum burturkast. Hvussu sleppa vit undan óneyðugum matoyðsli? Tað spyrja vit um í Breddanum í dag.
23-01-2024