- Tíðindi, mentan og ítróttur
Breddin
Fólkatingið tekur í dag endaliga avgerð, um at avtaka Dýra biðidag sum almennan frídag í Danmark. Stjórnin hevur gjørt skjótt av, og hóast bæði anstøðan og fakfelagsrørslan hevur mótmælt, er lítil ivi um, at málið verður avgreitt í dag. Vit hoyra av Christiansborg, um politiska rokið sum hevur verið um hetta málið, og hvat føroysku fólkatingslimirnir gera tá trýstast skal á knappin um middagsleiti.
10-ára langa søgan um Brexit kom eitt avgerandi fet nærri endanum í gjár, tá bretska stjórnin og ES samdust um eina nýggja brexit-rammulóg fyri Norðurírland. Hvat inniber nýggja avtalan, og hvat er tað, sum Rishi Sunak hevur megnað at gjørt, sum fleiri aðrir forsætisráðharrar ikki hava megnað?
Og síðst í sendingini tosa vit við serfrøðing í russiskum viðurskiftum um støðuna í evropa og rundanum, eftir eitt ár við kríggi.
Gjørt sendingina: Kaj Joensen, Elin Winther Poulsen og Tróndur Olsen, sum eisini var redaktørur.