Fyrradagin sendi Fótbóltssamband Føroya skriv til feløgini, har tey nágreina, hvat er loyvt at lýsa við á einum fótbóltsvølli. Skrivið kom í kjalarvørrinum av, at ein dómari hevur havt eitt sveittiband í ælabogalitum.

Fótbóltslógin sigur greitt, at pløgg og útgerð hjá spælarum og dómarum ikki skulu hava politisk, átrúnaðarlig ella persónlig herróp, boð ella myndir, men EB/Streymur eins og fleiri onnur fótbóltsfeløg í Føroyum, tulka ikki reglurnar á sama hátt sum fótbóltssambandið.

Formaðurin í EB/Streymi, Fróði Petersen, vísir á, at ælabogaliturin ikki bara snýr seg um LGBT, men um fjølbroytni sum heild. Felagið ætlar tó at virða boðini frá FSF. 

Hoyr formannin greiða frá.