Tað metir brúkaraumboðið, sum vísir á, at tú mást ikki senda talgildar lýsingar beinleiðis til fólk, sum ikki hava biðið um tað.

Tað stendur eisini í vegleiðingini, sum Brúkaraumboðið hevur skrivað og kann lesast her:

Vegleiðing um at brúka kappingar í marknaðarføring av vørum og tænastum

At tagga onkran í eini kapping er at meta sum ein óumbiðin áheitan - vanliga nevnt"spamm", sum eisini er umrøtt í marknaðarføringslógini:

"§ 6. Tað er ikki loyvt í vinnuvirksemi at senda út lýsingar, ella á annan hátt at marknaðarføra, við elektroniskum samskifti so sum telduposti, sms, mms ella líknandi, sjálvvirkandi uppkallingarskipan, telefaxi ella telefon, uttan so, at móttakarin frammanundan hevur biðið um hetta."

Donsk kafé kann vænta bót

Danska brúkaraumboðið hevur ávarað um hetta í fleiri ár.

Úrslitið er, at fleiri fyritøkur, sum hava skipað fyri slíkum kappingum, hava fingið eina ávaring.

Ikki allar hava aktað. Eitt nú ein kafé í Danmark, sum nú er meldað til løgregluna og kann vænta ein stóra bót.

Føroyska brúkaraumboðið er ikki eins strangt og tann danska.

Rannvá Ragnarsdóttir, stjóri á Brúkaraumboðnum, sigur, at tey enn hvørki hava kannað ella beinleiðis heitt á nakran um at gevast við slíkum kappingum. Hon sigur, at tey ístaðin mæla fyritøkum frá at gera slíkt, meðan tey bíða eftir dómi í umrødda danska málinum.

NB.:
Eftir samrøðuna við Brúkaraumboðið hava bæði umrødda hárfríðkanarstovan og klædnahandilin vent aftur skrivliga.
Bæði siga tað sama matvøruhandilin , at tey vóru ikki greið yvir, at reglarnar eru so.
Og nú segði brúkaraumboðið, at tað er ikki í stríð við marknaðarføringslógina at deila eitt kappingaruppslag. Tað er rætt; men tað er í stríð við innanhýsis reglurnar hjá Facebook, sum siga, at mást gjarna heita á fólk um at bæði deila uppsløg og at frámerkja vinir, men tú ikki seta tað sum eina treyt fyri at luttaka í eini kapping.