Góðan morgun Føroyar

Tá tú spyrt fólk, hvat tey kenna til skiftisárini hjá einari kvinnu, so eru hita- og sveittatúrar tað, sum tey flestu hava hoyrt um, og ofta endar kunnleikin har. Men skiftisárini eru so nógv meira enn tað, og upplivingarnar eru eins ymiskar og kvinnur eru.
Ein av orsøkunum til, at vit ikki vita so nógv um skiftisárini, er, at hetta er eitt tabu; altso nakað, vit ikki tosa um.

Katrin Kallsberg, lækni, greiðir frá tí, sum hendir við kvinnukroppinum, tá ið kvinnan kemur í tann aldur, tá ið hon ikki longur kann fáa børn, og Katy við Skipá, farmakonomur, sum sjálv er í skiftisárum, sigur frá sínum royndum, umframt tí linna, sum apotekið kann veita fyri árin av skiftisárum.