- Tíðindi, mentan og ítróttur
Góðan morgun Føroyar
Fyri stuttum blivu norðurlendsku virðislønirnar handaðar.
Grønlendska Niviaq Korneliussen vann virðisløn fyri barna- og ungdómsbókmentir. Hon er fyrsti grønlendingur, sum hevur vunnið eina norðurlendska virðisløn. Í sambandi við handanina helt hon eina røðu, sum hevur vakt stóran ans.
Hon tosaði um tað, sum hon skrivar um; sjálvmorð millum ung í Grønlandi.
Mari í Løðuni er uppvaksin í Grønlandi, hevur grønlenska mammu og kennir tí til innanhýsis viðurskifti í landinum.
Hon heldur, at tað er kærkomið, at Niviaq varpar ljós á sjálvmorð millum grønlendingar. Tó er hon ikki vís í, um røðan fer at hjálpa so nógv, tí hon vísir á, at myndugleikarnir ikki gera nóg mikið fyri at basa sosialu trupulleikum, sum í ringasta føri hava við sær, at ein velur at taka lívið av sær.
- Grønland er rakt av nógvum sosialum trupulleikum, og orsøkin til tað er sera kompleks, sigur Mari í Løðuni.
Hon greiðir nærri frá í innslagnum, hví hon heldur, at Grønland er so hart rakt av sosialum trupulleikum, og hvussu hetta ávirkar fólkini í landinum.