Mammubólkar.

Seinastu 30 árini hava skipaðir mammubólkar verið. Fyrst í Havn og síðani aðrastaðni í Føroyum. Í dag eru mammubólkar ein rættiliga vanigur partur av barsilstíðini hjá mammum.

Men hvat hendir í einum mammubólki? Hvat práta mammurnar um? Og hvønn týdning hevur morgunmatarborðið, tá mammubólkurin vitjar?

Hetta er nakað av tí, sum Sólja av Skarði hevur savnað inn vitan um, tí í løtuni skrivar hon eina master ritgerð í fólkalívsfrøði um júst mammubólkar í Føroyum.

Í morgunsendingini greiðir hon frá nøkrum av niðurstøðunum, sum hon er komin fram til í rannsóknini.