Sunneva tekur sær av teimum harðast raktu

23-11-2021

- Tá eg síggi ung fólk liggja so sjúk av koronu, ávirkar tað meg sálarliga, sigur Sunneva T. Magnussen, sjúkrarøktarfrøðingur á sjúkrahúsinum í Hvidovre.

- Tað ávirkar meg ógvuliga nógv, tá eg síggi ung fólk blíva álvarsliga sjúk.

Orðini eigur 30 ára gamla Sunneva Tausen Magnussen.

Hon arbeiðir á lungnadeildini á sjúkrahúsinum í Hvidovre, har teir harðast raktu koronusjúklingarnir verða innlagdir.

- Tað er ikki óvanligt, at tey avvarðandi gerast kløkk og fara beint at koppseta seg, tá tey síggja ein í familjuni, sum ikki vildi koppsetast, vera so álvarsliga sjúkur av koronu, sigur Sunneva Tausen Magnussen.

Í morgunsendingini fortelur hon um longu og strævnu arbeiðsdagarnar, sum hon og starvsfelagarnir hava havt, síðani korona breyt út fyri skjótt tveimum árum síðani.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)