Fuglafjarðar kommuna og Kunningarstovan í Fuglafirði fara nú undir eina verkætlan, sum hevur til endamáls at menna ferðavinnuna í kommununi og at gera ein ferðavinnupolitikk fyri økið.

Setanarbólkurin hevur gjørt av, at Sissal Kristiansen verður sett sum verkætlanarfólk.

Sissal, sum er cand.merc., hevur arbeitt við marknaðarføring, strategi og samskifti í fleiri ár..

Seinnu árini hevur hon arbeitt sum sjálvstøðugur ráðgevi við størri og smærri verkætlanum, bæði í ferðavinnu og strategi á ymsum økjum.