árið.

- Eg hugsaði, at tað hevði verið stuttligt at gjørt eina føroyska bindidagbók, har til ber at skriva niður tað, sum man annars skrivar á leysar lepar, ella tekur mynd av á telefonini, fyri ikki at gloyma, sigur Turið.

Slíkar bindidagbøkur eru longu til, men ikki á føroyskum, og so fekk Turið hugskotið til fáa hana enn meira føroyska við at hava góð gomul bindiheimaráð á summum av síðunum.

- Ommurnar høvdu eina rúgvu av vísdómi, sum tær hava latið víðari til yngru ættarliðini, og sjálvt um summi av hesum ráðum kanska ikki vera brúkt longur, so hava tey framvegis eitt virði.

Hevur tú eini góð ráð, sum Turið kann deila í dagbókini, sum kemur um nakrar mánaðar, so ert tú vælkomin at skriva eina viðmerking inni á Facebook-bindiklubbanum, har Turið leitar eftir ráðum og hugtøkum.