Góðan morgun Føroyar

'Eg gloymi aldrin, tá eg gekk á efturskúla, og lærarin spurdi meg, hvat eg ætlaði at læra til. Eg segði, at eg vildi vera skipari, tá hugdi hann løgið at mær og helt, tað var ein alt fór ring útbúgving fyri meg. Hetta hoyrdi eg eisini ofta frá øðrum fólkum, tá eg segði, at nú var eg byrjaður í skiparaskúla.'

Soleiðis stendur millum annað at lesa á Facebook vanganum hjá Erlingi Mørkøre, sum nú stendur við skiparaprógvinum í hondini, við góðari hjálp frá skúla, familju og amboðum á teldu og telefon.

- Eg havi alla tíðina havt góð fólk rundan um meg. Annars hevði eg aldrin klárað tað, sigur ein avgjørdur Erling.

Hann heldur tað vera týdningarmikið at ganga undan og siga tær góðu søgurnar, um tað kann eggja øðrum ungum orðblindum til at fylgja sínum dreymum.

Nú hann stendur við skiparapróvnum í hondini, er næsta stig á leiðini longu klárt. Hann ætlar sær at lesa víðari til skipsførara.