- Tíðindi, mentan og ítróttur
Góðan morgun Føroyar
Hví hava nógvir føroyingar psoriasis, og hvussu ber tað til, at fleiri í eini familju hava sjúkuna?
Hetta er millum annað tað, sum Ester Weihe Jacobsen, lækni, hevur skrivað stóra phd. ritgerð um. Í farnu viku vardi hon ritgerðina.
Ester Weihe Jacobsen hevur brúkt eini 700 persónar við psoriasis, og sum hava verið hjá húðlækna.
- Út frá okkara kanning hava umleið 2,2 prosent av føroyingum psoriasis, men talið er væntandi væl hægri, tí vit hava bert havt samband við tey, sum hava verið hjá húðlækna, sigur Ester Weihe Jacobsen, sum vísir á, at næsti liður í granskingini kundi verið at fingið samband við fólk við psoriasis gjøgnum kommunulæknaviðtalurnar.
Endamálið við stóru granskingarverkætlanini er at fáa vitan um sjúkuna í Føroyum, og hvussu til ber at viðgera á besta hátt.
Í morgunsendingini greiðir Ester Weihe Jacobsen frá sjálvari ritgerðini og psoriasis í Føroyum sum heild.