Góðan morgun Føroyar

Magnus Fredrik Magnusson hevur dagliga gongd í tveimum bingjum, sum standa uppi yvir Kvívík. Uttanífrá síggja tær ikki út av nógvum, men komin inn í aðra teirra angar av basilikum og vøkstri.

- Hugskotið fekk eg av netinum. Eg sá eina lýsing fyri hesum bingjunum, og so gjørdi eg av at fara í gongd, sigur Magnus Fredrik.

Sum nú er, eru trettan ymisk sløg av grønmeti og urtum í einu bingjuni, og sjálvt um verkætlanin ikki hevur verið í gongd so leingi, so ber longu til at siga, hvat neyvan verður sáað aftur.

- Hetta slagið av koriander trívist als ikki her inni, tí tað tolir ikki eins nógv ljós og salathøvdini til dømis, so vit fara ikki at halda fram við tí.

Pláss er fyri eins nógvum grønmeti í einu bingjuni, sum tú brúkar skalt brúka 10.000 fermetrar av landbúnaðarjørð til, um tú velur at dyrka soleiðis.

Í hinari bingjuni er ætlanin at dyrka soppar, men tann bingjan skal gerast klár fyrst.