Berin hevur gjørt eitt poddvarp um sorg, sakn og vón

31-01-2023

Berin, felagsskapurin fyri tey, sum hava mist ein kæran, hevur gjørt eitt nýtt poddvarp. Poddvarpið eitur "eg sakni teg"

Fyrsti poddurin hjá Beranum kom út um vikuskiftið, og hann snýr seg um at hava álvarsliga sjúku tætt upp at og so at missa.

Lív Højsted Horsdal, sálarfrøðingur í Beranum, er vertur. Hon tosar við Sólvu Hjaltalin Olsen, sum hevur mist pápa sín.

Oddvør Poulsen, leiðari í Beranum greiðir frá, at tey fegin vilja tosa meiri opið um sorg og røkka út til fleiri, sum hava mist ein kæran, ella standa einum nær, sum hevur mist ein kæran.

Lív Højsted Horsdal er von at hava einstaklinga- og bólkasamrøður í Beranum, so hetta var ein øðrvísi uppgáva, greiðir hon frá.

Sorgin er ymisk hjá øllum, men tað hjálpir at tosa um tað og at hoyra onnur tosa um tað, sum eru í somu støðu sum tú, siga tær báðar.

Poddvarpið hjá Beranum kann hoyrast á Spotify her.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)