Vit kenna hana frá tí føroysku filmsvinnuni, har hon mangan hevur gjørt um seg.

Eftir summarferiuna, fer Katrin niður til Danmarkar, at ganga á tí danska filmskúlanum, Den Danske Filmskole.

Hetta er ein sera væl umtóktur skúli, ið er torførur at sleppa inn á.

Ein skal til nógvar samrøður, í roynd og gera sítt fyri, at fáa eitt pláss í skúlanum.

Katrin Joensen-Næs, er sloppin á leikstjórabreytina, ið bert ein annar føroyingur eisini hevur verið á, sum er Katrin Ottarsdóttir.

Hevði takkað ja til ein annan skúla

Hon hevði fyrst takkað ja til tann norska filmskúlan, Lillehammer, men eftirsum, tann danski er hennara dreymaskúli, so bleiv avgerðin broytt.

- Eg gleði meg til at læra, prøva meg fram á ein annan hátt og ikki avmarka meg, sum eg havi upplivað í Føroyum, við eitt nú stuttfilminum "Sæla".