Góðan morgun Føroyar

Svenskur málmyndil stinnur í føroyskum
19-10-2023
GPT-SW3 tykist taka atlit, ið eru nærri okkara mentan, sigur Iben Nyholm Debess, leiðari á Máltøknideplinum á Setrinum

ChatGPT og aðrir málmyndlar fylla alsamt meiri í gerandisdegnum.

Er tað skilagott, at vit brúka teir stóru myndlarnar, ið ofta eru amerikanskir, ella eiga vit at gera okkara egnu?

Tann spurningin settu sviar sær. Niðurstøðan var, at tað er frægari at gera sínar egnu.

Hetta var byrjanin til málmyndilin GPT-SW3.

Tað er AI Sweden, ið er ein lutvíst statsstuðlað verkætlan, sum stendur aftan fyri svenska myndilin.

Í GPT-SW3 er dentur lagdur á at læra svenskt til lítar. Myndilin var fóðraður við eini rúgvu av svenskum teksti. Men eisini donskum, norskum, íslendskum og enskum.

Tað tók myndlinum 72 dagar at tyggja seg ígjøgnum alt tilfarið. Soleiðis bleiv GPT-SW3 til. Hann dugir væl svenskt. Harumframt eisini danskt, norskt, íslendsk og enskt. Tað var væntað.

- Men eitt tók okkum á bóli, segði granskingarleiðarin Magnus Sahlgren í grein í tíðarritinum Zetland. - Skipanin dugir eisini rættiliga væl føroyskt.

Vit vita ikki hví, legði hann aftrat.

Besta boðið er, at føroyskt hevur fjalt seg í onkrum tilfari, sum myndilin hevur fingið. Í løtuni sita granskarar í Føroyum og kanna málið, segði Sahlgren at enda.

Og tað var Máltøknidepilin á Setrinum, ið boðaði svensku granskarunum frá hesum.

Iben Nyholm Debess, samskipari á Máltøknideplinum, sigur, at tey vóru fegin, tá tey funnu út av, at GPT-SWE dugir so mikið væl føroyskt.

Hon heldur tó ikki, at tað er so løgið.

- Um eitt fólk dugir svenskt, norskt, danskt og íslendskt til lítar, dugir viðkomandi ivaleyst eisini nokkso væl føroyskt.

Í løtuni er einki kjatmenni knýtt at svenska myndlinum, men tað kemur einaferð í framtíðini.

Tá verður áhugavert hjá føroyingum at royna GPT-SWE.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)
Summarskrá, veðrið, súkkling í fjøllum, kapping, EM í fótbólti, taraaling
14-06-2024
Veðrið, Edvard Fuglø, Dýpið, botnfiskur
13-06-2024
Veðrið, bók um deyða í barsilssong, nýggjur prestur innsetast, venjing tá tú gerst eldri
12-06-2024
Veðrið, MAPA, Trygvason, MEA
11-06-2024
Hoy alla sendingina
10-06-2024
Sissal Jo, veðrið, kapping, nektarmyndir, Aggrasoppar
07-06-2024
Veðrið, KÍ-perlan, Petra Djurhuus, Koltursætlanin
06-06-2024
Veðrið, Filmshúsið, ung og royndir, gartnarin
05-06-2024
Veðrið, breiddarpuljan hjá ÍSF, tinnitus og ljóðviðkvæmi, rotta og rusk
04-06-2024
Veðrið, bók um brodering, kapping, norðoyastevna
31-05-2024
Ráðstevna, veðrið, Marius DC, turbulens, søgufrøði
30-05-2024
Veðrið, skipabygging, støðuroynd á 3. stigi, nýggi leiðarin á listasavninum á Sandi
29-05-2024