- Tíðindi, mentan og ítróttur
Góðan morgun Føroyar
![](https://kvf.fo/sites/default/files/styles/podcastmyndir/public/gmf_1920x1080.png?itok=JOyOqNdL)
Kongeord.
Soleiðis eitur bókin, har nýggi kongurin, Fríðrikur tann 10., við egnum orðum fortelur um tankar og hugleiðingar um kongaorðið - Forbundne, forpligtet, for Kongeriget Danmark.
Bókin bleiv útgivin mánadagin 15. januar, dagin eftir at Fríðrikur tann 10. hevði tikið við sum kongur.
At talan er um eina populera bók, er eingin ivi um. Bókin bleiv alt fyri eitt útseld frá forlagnum, og bókhandlar í Føroyum siga, at fólk høvdu skrivað seg upp á listar fyri at tryggja sær eitt eintak av bókini, tá hon kom aftur á handilshillarnar.
- Henda bókin er einføld og skjót at lesa. Eg haldi ikki, at hon er ein, eg komi at minnast serliga væl, sigur Marna Jacobsen, sum er bókmentafrøðingur.
Hesum er Eiler Fagraklett samdur í. Hann er serkønur í samskifti og marknaðarførslu.
- Mann fær eitt lítið persónligt innlit, men bókin fer ikki heilt djúpt. Men hetta skal forklára grundarlagið fyri brandinum, Fríðriki kongi, og tað eydnast væl, sigur Eiler Fagraklett.
Í morgunsendingini skifta Marna Jacobsen og Eiler Fagraklett orð um bókina, Kongeord.
![](https://kvf.fo/sites/default/files/styles/news_xtra_xtra_large_2/public/gmf_1920x1080.png?itok=gibwahtF)