Tá flogbóltsgallaveitslan var á Giljanesi herfyri, fingu bestu spælarar og venjarar virðislønir, men harumframt handaði Flogbóltssamband Føroya eina serstaka viðurkenning.

Óli G. Samuelsen, sum hevur ferðast runt landið í sambandi við frásagnir fyri FM 1, eins og hann hevur verið knýttur at fleiri flogbótstiltøkumtiltøkum, sum hava verið seinatu árini, fekk heiður Ársins eldsál.

Hetta kom púra óvart á meg, sigur hann.

Óli G. Samuelsen segði frá sínum fyrsta flogbóltsdysti í oktober í 2017, og síðani hevur hann sagt frá eini rúgu av dystum.

Hann hevur oftast viðmerkjara aftrat sær, og tað ger einki, um viðkomandi er eitt sindur litaður, sigur Óli G. Samuelsen.

Tað ger frásøgnina meiri livandi, heldur hann.

Umframt at siga frá flogbólti, er Óli G. Samuelsen eisini virkin í nevndini hjá Fleyr.

Og eitt tiltak, sum hann sjálvur annar hevur staðið fyri í nógv ár, er árliga firmakappingin.

Seinasta freist tekna seg til hana er í dag.

Meira kann lesast um firmakappingina her.