Jastrið og Sofía tilreiðar at møta Álandi

Eftir tvær 3-0 sigrar á Grønlandi og Guernsey er flogbóltskvinnulandsliðið fari at fyrireika seg til dystin móti Álandi.

Eftir dystin móti Guernsey siga bæði Jastrið Sivertsen og Sofía Purkhús, at tað er umráðandi, at hildið verður fast um tað góða spælið.

- Higartil hava vit næstan bara spælt góð sett. Okkara spæl er ikki so gott í øðrum setti móti Guernsey, men tað er helst tí, at mótstøðan er so sum so, og tá er tórført at spæla upp til sítt besta, sigur Jastrið Sivertsen.

Sofía Purkhús tekur undir við henni, og heldur, at um tær spæla upp til sítt besta, so vinna tær eisini á Álandi.

- Áland er eitt gott lið, men alt hevur riggað sera væl hjá okkum, og um vit halda fram við tí, so vinna vit dystin, sigur Sofía Purkhús.

Dysturin millum Føroyar og Áland byrjar klokkan 16.15 í morgin, og hann verður sendur beinleiðis í útvarpinum.