Tunnilsmálið: Rættarnevndin fingið freistina longda

Rættarnevndin hevur nú freist til 7.oktober at skriva álit um lógaruppskotið hjá Kára P. Højgaard um privata Eysturoyartunnilin.

Nevndin fekk málið eftir fyrstu viðgerð í løgtinginum 6.august. Tingnevndirnar hava ein mánað til at avgreiða tingmál. Men Rættarnevndin er ikki liðug við uppskotið hjá nú fyrrverandi landsstýrismanninum, hóast tað er viðgjørt á sjey fundum.

Nevndin er heldur ikki liðug við hini tunnilsuppskotini, sum hon fekk 6.august. Løgtingsformaðurin hevur nú givið Rættarnevndini freist til 7.oktober at koma við álitunum.