- Tíðindi, mentan og ítróttur
Filmspremiera í Miðvági
Filmspremiera í Miðvági
Leygarkvøldið 16. november verður nýggi føroyski filmurin "John", eftir Juliu í Kálvarlið, frumsýndur í Bygdaskúlanum í Miðvági
15.11.2013 - 11:53
Filmurin "John" snýr seg um ein mann, ið býr og arbeiðir á bygd í Føroyum. Hesin maður fremur ymiskt, sum ikki tolir dagsins ljós.
Søgan er um samband millum menniskju, sálarligar veikleikar og loynidómar.
Filmurin er hin fyrsti hjá Julia í Kálvalíð úr Miðvági, sum hevur gingið á universitetinum í Tallinn og nomið sær útbúgving innan film- og miðlavísund.
"John" var gjørdur ísambandi við fráfaringarroyndin hjá Juliu í Kálvarlíð, og er upptikin í Føroyum við føroyskum leikarum.
Dyrnar í Bygdaskúlanum í Miðvági lata upp kl 18.00 leygarkvøldið.
Allar leikarar verða við til frumframførsluna, saman við leikstjóra og hjálparfólki annars.
Her ber til at síggja ein brellbita av filminum: "JOHN" BRELLBITI
Kelda: vp.fo
Er kopiera
Nýggjastu sendingar í ÚV
Nýggjastu sendingar í SV
