- Tíðindi, mentan og ítróttur
Bjarni Larsen steypavinnari í Noreg
Bjarni Larsen steypavinnari í Noreg
Um vikuskiftið vann føroyski landsliðsleikarin, Bjarni Larsen, steypakappingina í flogbólti í Noreg
Bjarni Larsen (nummar 5) er norskur steypavinnari í flogbólti
20.01.2014 - 11:38
Leygardagin gjørdist fuglfirðingurin, Bjarni Larsen, norskur steypavinnari við BK Tromsø, sum vann 3-2 á Førde VBK.
Tað sá annars einki út hjá Tromsø eftir fyrstu tvey settini, sum Førde vann 25-16 og 25-21.
Men fyri Bjarna er hendan støðan ikki óvand, tí hetta var eisini støðan tá ÍF í fjør vann føroysku steypafinaluna 3-2 á SÍ, sum hevði ført 2-0.
Tromsø vann triðja settið 25-20 og fjórða 25-17.
Í javnbrótaranum legði Tromsø seg framum 9-5, men leiðslan minkaði aftur niður til eitt stig við støðuni 12-11. Tromsø vann tó at enda. Fimta settið endaði 15-13.
BK Tromsø er felagið har Rúni Weihe var ein av stóru spælarunum fyri nøkrum árum síðani. Rúni Weihe vann bæði meistaraheitið og steypakappingina við Tromsø
Er kopiera
Nýggjastu sendingar í ÚV
Nýggjastu sendingar í SV
