Kommunulæknafelagið krevur svar frá Novo Nordisk

Turið Holm Johannessen, forkvinna í Kommunulæknafelagnum, undrast á, at Novo Nordisk hevur skrásett føroyskar læknar í dátugrunni hjá fyriøkuni.

Hon krevur svar frá donsku heilivágsfyritøkuni, um hví og hvussu fyritøkan hevur savnað og goymt upplýsingar um føroyskar læknar, og bólkar teir eftir søluvirði.

87 føroyskir læknar eru skrásettir í einum innanhýsis dátugrunni hjá donsku heilivágsfyritøkuni Novo Nordisk.

Tað vísir ein dátuleki, sum danski miðilin, Ingeniøren, hevur fingið fatur á, og latið Kringvarpinum upplýsingar úr.

Í dátugrunninum verða læknar millum annað flokkaðir eftir, hvussu nógv teir skriva út av heilivági hjá Novo Nordisk, og hvussu stórt handilsligt virði teir hava fyri fyritøkuna.

Novo, Novo Nordisk

Fýra føroyingar eru forsprákarar

Fýra føroyskir læknar eru settir í ovasta bólkin í skipanini hjá Novo Nordisk.

Bólkurin kallast Advocates, sum merkir forsprákarar.

Tveir teirra starvast á Landssjúkrahúsinum, og hinir báðir eru knýttir at einari kommunulæknaviðtalu í Havn.

Turið Holm Johannessen, forkvinna í Kommunulæknafelag Føroya, heldur tað vera álvarsligt, at Novo hevur skrásett og mett føroyskar læknar eftir søluvirði.

Hoyr innslag í útvarpstíðindunum: