Granskingarverkætlan: Hvussu ljóðar norðlýsið?

Tú hevur helst sæð tað, tá veðurviðurskiftini hava talað fyri tí, men hevur tú eisini hoyrt, hvussu norðlýsið ljóðar? Mest sannlíkt hevur tú ikki.

Tí fara granskarar í Tromsø nú at royna at fáa greiðu á, hvussu norðlýsið ljóðar, tá tað sæst á himmalhválvinum á vetrartíð, skrivar nrk.no

– Jeg er veldig fascinert av alle mytene om nordlyset, spesielt i den samiske kulturen. Det var mange fra de eldre generasjonene som mener de har hørt nordlyset lage lyd.

Tað sigur Unni Pia Løvhaug, professari við lærda háskúlan í Tromsø, sum verður við í granskaratoyminum, sum skal royna at fáa norðlýsið á band við ljóði.

Hava áður roynt at "hoyra" norðlýsið

Hetta er kortini ikki fyrstu ferð, at granskarar royna at fáa greiðu á, hvussu norðlýsið ljóðar, sum fólk hava tvíhildið um í fleiri hundrað ár.

Seint í 1800-talinum royndi danski granskarin Sophus Tromholt at fáa greiðu á, hvussu norðlýsið ljóðar, men uttan at hann fekk prógvað, hvussu tað ljóðar.

– Han kom fram til at det vil være helt umulig å høre nordlyset, fordi luften i 120 kilometers høyde er for tynn til at lydbølgene kan bre seg, sigur Unni Pia Løvhaug.