Kanna um CIP skal hava milliónina

Jørgen Niclasen, landsstýrismaður í fíggjarmálum, hevur heitt á umsitingina um at kanna, um Copenhagen Infrastructure Partners skal hava eina millión útgoldnað, nú flokkarnir eru samdir um ein leist fyri Skálafjarðartunnilin, har danska íløgufelagið ikki er við. 

Tað sigur Jørgen Niclasen, landsstýrismaður, í stuttari viðmerking. 

Hann vil tó ikki gera viðmerkingar til, hvør skal læna almenna tunnilsfelagnum pengar, men vísir á, at føroysk feløg eiga pengar, eitt nú íleggingargrunnurin og LÍV, sum upprunaliga var partur av verkætlanini

400 mió. kr.

Tunnilssemjan leggur upp til, at landið setur íalt 400 mió. kr. í felagið, sum skal gera Skálafjarðartunnilin og Sandoyartunnilin. Peningur verður settur av á hvørjum ári til 2024.

Sandoyartunnilin skal haraftrat fáa 10 milliónir kr. í rakstrarstuðli um árið, tí roknað verður við, at bert 350-400 biilar fara at koyra í tunlinum um samdøgrið.

Báðir tunlarnir fara væntandi at kosta meira enn tvær milliardir krónur tilsamans.