SSL-roknskapurin í lagi

Grannskoðanarvirkið Januar hevur einki fyrivarni í grannskoðanini av SSL-roknskapinum, sum er undirskrivað 10.februar.

Roknskapurin fyri 2013 gevur eina rættvísandi mynd av stovnins ognum, skyldum og fíggjarligari støðu.

Í einari frágreiðing, sum eisini er dagfest 10.februar, og sum Januar eisini gjørdi, fær leiðslan á Strandferðsluni annars nógvar atfinningar.

Fíggjarstýringin ikki nøktandi

Í frágreiðingini, sum Januar gjørdi fyri Vinnumálaráðið, verður staðfest millum annað, at fíggjarstýringin hjá Strandfaraskipum landsins ikki hevur verið nøktandi. Stovnurin stýrdi ikki eftir játtanini, sum stovnurin fekk í fíggjarlógini fyri 2013.

Men roknskapurin hjá Strandferðsluni fyri 2013 er tó góðkendur uttan fyrivarni.