Danski Fólkaflokkurin størri enn Javnaðarflokkurin

Danski Fólkaflokkurin er nú størri enn Javnaðarflokkurin. Í Januar søgdu 21,6 prosent av donsku veljarunum seg velja Javnaðarflokkin, men í nýggjastu kanningini fær flokkurin iki meir enn 18.3 prosent.

Fyri 10 árum síðani var vanliga hugsanin í Javnaðarflokkinum, at hann átti at fáa 30 prosent av atkvøðunum. Nú stríðist flokkurin fyri at fáa 20 prosent.

Og Javnaðarflokkurin má taka til takkar við at vera triðstørsti flokkur í Danmark, tí Danski Fólkaflokkurin við sínum 19, 5 prosentum er næststørsti flokkurin í Danmark.

Kanningin vísir, at veljararnir, sum venda Javnaðarflokkinum bakið, fyrst og fremst velja Danska Fólkaflokkin og síðani Eindarlistan.