Føroyar kunnu ikki samanberast við Russland

<p>Landsstýrið vónar, at stríðið millum Russland og Ukraina verður loyst diplomatiskt, so friður verður varðveittur í evropeiska nærumhvørvinum.</p>

<p>Millum annað hetta sigur Kaj Leo Holm Johannesen, løgmaður í svari til Høgna Hoydal úr Tjóðveldi, sum&nbsp;vildi hava at vita, um landsstýrið hevur lagt trýst á Danmark og ES um at enda boykottið móti Føroyum, sum hevur trýst føroyskan útflutning til Ukraina og Russlands.</p>

<p>Høgni Hoydal segði í spurningi sínum, at boykottið móti Føroyum rakar okkum nógv harðari enn ES-tiltøkini móti Russlandi.</p>

<p>Til hetta svarar løgmaður, at landsstýrið streingir á ES um at seta úr gildi handilstiltøkini hjá móti Føroyum. Hetta verður serliga gjørt við tveimum altjóða gerðarrættarmálum.</p>

<p>Løgmaður sigur seg vóna, at handilstiltøkini skjótt verða tikin av.</p>

<p>Kaj Leo Holm Johannesen, løgmaður sigur eisini, at danska stjórnin er vitandi um, hvussu hart ES- tiltøkini kunnu raka Føroyar, men at støðan millum Føroyar og ES kann als ikki sammetast við støðuna á Krim</p>

<p>- Eg haldi, tað er skeivt at samantvinna hesi bæði málini, sigur løgmaður í svari sínum, sum kann lesast her:</p>

<p><a href="http://kvf.fo/sites/default/files/svar-uppa-skrivligan-fyrispurning-39-2... target="_blank">Svar uppá skrivligan fyrispurning nr. 39/2013</a> (PDF-skjal, letur upp í nýggjum kaga)</p>