Seldi lánsbrøv fyri 1,1 milliard til skuld og hall

26.03.2014 - 15:41
AktueltPolitikkur
Seldi lánsbrøv fyri 1,1 milliard til skuld og hall
Í gjár seldi Føroya Landsstýri fyri 1,1 milliard krónur í nýggjum lánsbrøvum at fíggja hall og skuld við. Rentan er 1,779 prosent
Landskassanum tørvar pening til at fíggja hall og skuld - í gjár vórðu 1,1 milliard krónur fingnar til vega við lánsbrævasølu. Rentan er 1,779 prosent
 

Føroya Landsstýri hevur selt fyri 1,1 milliard krónur í nýggjum lánsbrøvum. Sølan gekk skjótt og væl. Longu eftir trý korter vóru øll lánsbrøvini seld, sigur Føroya Gjaldstova.

Tað er Fígging landsins, sum er partur av gamla Landsbanka Føroya, og Nordea Bank, sum hava staðið fyri søluni. Lánsbrøvini vórðu seld umvegis Bank Nordik, Eik Banka og Norðoya Sparikassa. 

Nýggja lánið skal rindast aftur 20. juni 2019 og er eitt standandi lán við fastari rentu. Effektiva rentan er 1,779 prosent.

Meginparturin av peninginum skal nýtast til at rinda skuld aftur, ið fellur til gjaldingar 7. apríl 2014 og 11. juni 2015 og til at fíggja gjaldførishall í  2013 og 2014.

Nýggja lánsbrævarøðin verður listað 1. apríl 2014 á keypsskálunum í Íslandi og Keypmannahavn.
 

Er kopiera
Nýggjastu sendingar í ÚV
Mikudag 7. desember
Góðan morgun Føroyar 07. desember 2022
149052
Mikudag 7. desember
Morgunlestur mikudagur 7. desember 2022
148411
Týsdag 6. desember
Framsókn í Tinginum
149004
Týsdag 6. desember
Góðan morgun Føroyar 06. desember 2022
148998
Nýggjastu sendingar í SV
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753
Mánadag 5. desember
Val kring landið - Setrið í Havn
148951