Realkreditt verður ikki dýrari

1. apríl verður lógin um realkredittlán broytt.

Ein broyting er, at lánini fáa eina áseting, sum forðar rentuni at vaksa meir enn 5 prosentstig í mun til rentuna 12 mánar frammanundan. Hendan ásetingin í lógini hevur fingið fleiri atfinningar, og eru tað summi, sum hava ført fram, at hetta fer at gera lánini dýrari fyri lántakaran. 

Men sambært greinarum hjá donsku heimasíðuni FinansWatch fer hendan broytingin at kosta lántakarunum at kalla onki. Sannlíkindi fyri at rentan hevur tørv á at vaksa so nógv, er at kalla ongin, og tí er ikki tørvur á at gera lánini dýrari, siga greinarar.

F-1 lánini verða eisni veitt í Føroyum, tó við tí muni at føroysku lántakararnir gjalda eitt eyka umsitingargjald til føroysku bankarnir fyri at veita lánini.