SEV 25 milliónir betri enn í 2012

SEV hevði slakar 12 mió. kr. í avlopi eftir skatt í fjør. Hetta er fyrstu ferð í fýra ár, at SEV hevur yvirskot.

Úrslitið í fjør var næstan 25 mió. kr. betri enn í 2012, upplýsir SEV, sum hevur aðalfund í dag.

SEV fegnast serliga um, at grøna kósin er hildin, serstakliga um ársskiftið 2013-2014, tá elframleiðslan var 75 prosent úr vatni og vindi bæði í desember og januar, bara 25 prosent stavaðu frá oljuni, sigurr Jákup Suni Lauritsen, nevndarformaður í SEV. 

Sammett við trý undanfarnu árini brúkti SEV níggju milliónir krónur minni í olju í januar, februar og mars í 2014.