Føroysku peningastovnarnir neyvan í váða

Føroysku peningastovnarir eru undir váðamarkinum í nýggjastu váðametingini hjá Niro Invest í Danmark.

Váðamarkið er 500, og níggju peningastovnar av 75 á listanum eru yvir 500 og tí í stórum vanda fyri at koma í álvarsligar trupulleikar.

Hjá føroysku peningastovnunum er støðan best hjá Eik, sambært Niro Invest.

Á listanum, sum danska blaðið Børsen hevur almannakunngjørt, er váðametingin hjá Eik triðja besta. Hon er 267,5.

Framman fyri Eik eru bara Grønlandsbanken við 257,5 og Langå Sparekasse við 247,5.

Hjá BankNordik er talið 375, tað er 410 hjá Norðoya Sparikassa og 422,5 hjá Suðuroyar Sparikassa.

Váðametingin hjá Niro Invest byggir á 21 avgerandi tættir í bankavirksemi.