Fiskivinnuumsiting fyri dómsvaldið næsta mánadag

Um eina viku fer Føroya rættur at viðgera stóra spurningin, um føroyska fiskivinnan hevur verið rætt umsitin.

Sakarmálið millum P/f Líraberg og manningina á útróðrarbátinum Lírabergi og Fiskimálaráðið stendur í rættarlistanum fyri næsta mánadag.

Sakarkravið er, at Fiskimálaráðið verður dømt at viðurkenna, at tað var skeivt ikki at geva samtakinum Sjófeli hjá yvir 100 útróðrarbátum lut í makrelfiskiskapinum í 2012.  

Fiskimálaráðið krevur frídøming.

Málið byrjaði í apríl í fjør, tá P/f Líraberg stevndi Fiskimálaráðnum.

Samtakið Sjófeli, sum yvir 100 útróðrarbátar vóru í, søkti í 2012 um 15 prosent av makrelkvotuni.