Varðhaldsfongslingin longd í fýra vikur

Varðhaldsfongslingin verður longd fýra vikur, til 31.oktober, uttan rættarfund.

Í grundlógaravhoyring 10.august varð 23 ára gamli maðurin varðhaldsfongslaður til 5.september.

Varðhaldsfongslingin er nú longd tvær ferðir.

Ikki tikið støðu til skuldarspurning

Maðurin er skuldsettur fyri manndráp. Hann er skuldsettur fyri at hava stungið ein 36 ára gamlan mann tríggjar ferðir í hálsin.

Í grundlógaravhoyringini tók skuldsetti maðurin ikki støðu til skuldarspurningin. Og tað hevur hann framvegis ikki gjørt, sigur verji hansara, Christian Andreassen. Skuldsetti maðurin hvørki játtar ella noktar seg sekan.

Kanningar ikki lidnar 

Jón Klein Olsen, kanningarleiðari, sigur, at teknisku kanningarnar í málinum eru ikki lidnar. Og kanska ganga seks til átta vikur, áðrenn politiið er liðugt við málið.  

Politiið hevur funnið knívin, sum tað heldur varð brúktur móti 36 ára gamla manninum, men Jón Klein Olsen vil ikki siga, hvar í Hvalba, knívurin varð funnin.

Føroya rættur avgjørdi í grundlógaravhoyringini, at skuldsetti maðurin skal mentalkannast. Mentalkanningin er ikki liðug.