Laksaútflutningurin til Russlands tíggjufaldaðíst

Føroyski útflutningurin av laksi til Russlands meira enn tíggjufaldaðist í september. Og prísurin vaks 26 prosent.

Tað skrivar netmiðilin Undercurrent News.com. 

Føroyar og Kili fáa nógv burturúr, nú Noreg, ES, Avstralia, Kanada og USA ikki sleppa at selja Russlandi matvørur.

Russiski innflutningurin av laksi fór niður í helvt í august.

Men tá Føroyar og Kili fingu gongd á sín útflutning kom innflutningurin longu í september upp aftur hagar, hann var, aðrenn Russland setti síni handilstiltøk í gildi.   

Sambært Undercurrent News.com vaks føroyski laksaútflutningurin meira enn tíggju ferðir í september, hjá Kili var vøksturin tvífaldur ella trífaldur. Tølini eru frá russisku tollmyndugleikunum.  

Bara Føroyar og Kili

Føroyar, Kili og Ísland vóru einastu lond, sum seldu Russlandi laks í september. 

Men ivaleyst kemur nakað av norskum laksi gjøgnum Hvítarussland til Russlands. Hvítarussland innflutti fimm ferðir meira feskan laks úr Norra í september í ár enn í september í fjør, sambært norskum tølum.

Føroyski sildaútflutningurin til Russlands var helvtina minni í september enn í september fjør, skrivar Undercurrent News.com eisini. 

Men Ísland selur nógva sild og nógvan makrel til Russlands.